Hipoteca

Bo ta cla pa cumpra of traha un cas? Of bo ta desea di remodela of renoba bo cas? Cu un APFA Hypotheek awor bo por haci uso di nos condicionnan atractivo pa cumpra, construi, remodela of renoba bo cas.

Ken por aplica pa e APFA Hypotheek?

Bo por aplica pa un APFA Hypotheek cerca nos si bo ta:

  • un participante di APFA
  • un pensionado di APFA (nos ta otorga hipoteca te 65 aña)
  • Viudo of viuda cu ta haya un pensioen di APFA

Cua ta e sorto di hipoteca cu APFA ta ofrece?

APFA ta ofrece un hipoteca anuitario na un interes di 5,75% pa aña. Esaki ta nifica cu durante e fiansa hipotecario bo ta paga un suma fiho pa luna. E suma fiho aki ta stipula di tal forma, cu e pago total (interes mas pago riba capital) ta keda igual durante e periodo cu a cera e fiansa hipotecario. Na final di e periodo e fiansa hipotecario ta completamente paga.E pago mensual ta wordo deduci directamente di bo salario. E periodo maximo di e fiansa ta 30 aña y bou cierto circumstancia por keda core te despues cu bo a baha cu pensioen.

Con halto e suma cu mi por haya na hipoteca ta?

E suma cu bo por fia ta depende di bo situacion financiero y circumstancianan personal, bo comportacion di pago cerca otro instancianan financiero y e balor di e propiedad. APFA ta financia entre 70% y 80% di e balor riba mercado di bo cas. Bo por hasta yega te 100% di e balor riba mercado di bo cas existente of di e cas cu bo ta bay construi, cu un garantia di Fundacion Fondo Nacional di Garantia pa Vivienda (“FNGV”); pa esaki tin gasto adicional.

E persona cu cera un fiansa hipotecario tin obligacion di cera un seguro di bida-/riesgo y un seguro contra candela. Tambe e persona aki por cera voluntariamente un seguro di desgracia personal y un seguro di bienes (inboedelverzekering).

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org