Aplica pa un APFA Hypotheek

Bo ta interesa pa un APFA Hypotheek? Nos consulentnan di departamento di hipoteca cu gusto lo yuda bo. Nan por informa bo entre otro riba e suma cu bo por fia y e condicionnan di e APFA Hypotheek. Tuma libremente contacto cu nos y nos lo invita bo pa un consulta personal.

Pa nos por yuda bo mas mihor posibel, nos ta pidi bo trece e siguiente documentonan na e consulta:

  • Ultimo dos salarisslip (pa calculacion di pareha mester di ambos)
  • Identificacion valido di cedula, paspoort of rijbewijs ( si ta pareha, tin mester di ambos);
  • Extracto di Censo di Afl. 5.00 ( si ta pareha, tin mester di ambos);
  • Taxatie rapport no mas bieu cu 6 luna y traha pa un taxateur cu ta aparece riba e lista di taxateur aproba pa APFA;
  • En caso cu e pareha no ta participante den e fondo di pensioen di Stichting APFA, un carta di e dunado di trabou cu ta menciona cu e tin un aña of mas den servicio permanente, cu e suma bruto di salario y fecha cu a cuminsa traha.

Documento adicional necesario pa hipoteca

Refinancia of tuma un fiansa over pa motibo di renobacion/construccion

  • Un calculacion di gasto firma pa e contratista si acaso construccion adicional of renobacion di Afl. 20,000 of mas ta bay tuma lugar*

Compra di un cas

  • Acuerdo di compra firma door di e doño di e propiedad y e cumprado

Compra di un cas pa motibo di renobacion/construccion

  • Acuerdo di compra firma door di e doño di e propiedad y e cumprado
  • Un calculacion di gasto firma pa e contratista si acaso contruccion adicional of renobacion di Afl 20,000 of mas ta bay tuma lugar*

Construccion

  • Acuerdo di construccion firma entre e contratista y e doño di cas.
  • Un calculacion di e gasto di construccion traha door di e contratista , cual ta basa riba un mapa di cas aproba door di Departamento di Obra Publico (DOW)
  • Dos carta di recomendacion di e contratista scohi cu lo construi e cas
  • Mapa di cas aproba door di e Departamento di Obra Publico (DOW)
  • Permiso pa construi otorga door di Departamento di Obra Publico (DOW)

*A base di e grandura di e construccion adicional, mester tin e permisonan necesario otorga door di Departamento di Obra Publico (DOW)

Rapport di taxacion
Pa bini na remarke pa un APFA Hypotheek, APFA mester un taxatierapport no mas bieu cu 6 luna y traha pa un taxateur cu ta aparece riba e lista di taxateur aproba pa APFA. Mira lista di taxateur reconoci

Si bo no ta participante di APFA, pero si tin un aña den servicio of tin un contract fiho of un Ordenanza Nacional cerca un di e organisacionnan afilia na APFA, bo por aplica pa un APFA Hypotheek. Trece un prueba di bo añanan den servicio na momento di e cita.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org