Pregunta frecuente

Di kico mi pago hipotecario mensual ta consisti?

E pago hipotecario cu bo ta paga APFA mensualmente ta consisti di e siguiente componentenan:

  • Pago riba e capital principal di e fiansa
  • Interes riba e hipoteca
  • Prima di seguro
  • Gasto di administracion

Pakico un deduccion riba e interes?

Na momento cu tin perdida parcial di entrada, posponemento di e pago hipotecario mensual no ta semper un solucion adecua. Pa yuda e cliente cu e perdida parcial di entrada, APFA ta ofrece pa debolbe temporariamente 50% di e promedio di e interes hipotecario cu e cliente a paga den e periodo di mei 2020 te cu december 2020 (‘restitucion di interes’).

Na ki momento mi ta bin na remarca pa e deduccion di interes?

Tur hende cu den e periodo di mei 2020 te cu december 2020 tin un fiansa hipotecario na APFA ta bin na remarca pa e deduccion di interes.

Pa con largo ta duna e deduccion di interes?

E periodo di e deducion di interes temporario ta di mei 2020 te cu december 2020. E deduccion di interes ta stop entrante 1 di januari 2021.

Kico e deduccion di interes kiermen pa e cliente di hipoteca?

E deduccion di interes kiermen cu den e periodo di mei 2020 te cu december 2020 mensualmente lo deposita 50% di e interes hipotecario bek riba e cuenta di e cliente di hipoteca na un banco local (‘restitucion di interes’).

Con mi ta bin na remarca pa e restitucion di interes?

Pa bin na remarca pa e restitucion parcial di bo interes di hipoteca, bo mester keda haci bo pagonan mensual. Fuera di esey, bo mester yena e formulario ‘deduccion temporario di gasto di interes’ y entrega esaki na nos hunto cu un copia di un indentificacion valido di tur esnan cu ta forma parti di e fiansa.

Mi no ta desea di haci uso di e restitucion di e interes, kico ta pasa e ora?

Si bo no ta desea di haci uso di e restitucion di interes, APFA lo kita e suma, cu bo lo a ricibi como deduccion di interes den e periodo mei 2020 te cu december 2020, di e fiansa riba 31 di december 2020.

Mi tin un atraso den pago – kico ta pasa den e caso aki?

Si bo no a paga interes hipotecario paso bo tin un atraso den pago, bo no ta bin na remarca pa restitucion di interes.

Den e caso aki APFA lo kita mita di e interes cu bo lo debe na interes den e periode di mei 2020 te cu december 2020 di e atraso total riba 31 di december 2020.

Kico ta pasa si e fecha final di mi fiansa hipotecario ta cay den e periodo di mei 2020 te cu december 2020?

Si e fecha final di bo fiansa hipotecario ta cay den e periodo di mei 2020 te cu december 2020, e ora lo calcula e suma cu lo deposita bek a base di e periodo di mei 2020 te cu e fecha final di bo fiansa hipotecario. E suma cu bo lo ricibi lo wordo paga den un solo biaha na final di e duracion di bo fiansa hipotecario.  

Con mi ta bin na remarca pa un posponemento di pago?

Si e deduccion di interes di APFA toch no ta duna bo suficiente alivio financiero, e ora bo por pidi APFA pa pospone bo pago hipotecario mensual te cu fin di 2020. E ora bo lo cuminsa paga bek na januari 2021.

Kico posponemento di pago ta encera?

Posponemento di pago kiermen cu bo ta paga e suma hipotecario mensual (interes hipotecario, pago riba e capital principal, prima di seguro y gasto di administracion) cu autorisacion di APFA mas despues. E total di e interes hipotecario cu bo lo debe den e periodo di posponemento, lo wordo añadi na e debe hipotecaro na final di e periodo ey.  

Tambe den caso cu bo a haya un posponemento di pago, lo aplica e reduccion di interes di 50% den e periodo di mei 2020 te cu december 2020. Den e caso aki lo kita e reduccion di interes for di e saldo di e fiansa hipotecario na final di e periodo di posponemento.

Den caso di un posponemento di pago APFA lo palabra cu bo un areglo di pago nobo. E areglo di pago nobo aki lo cuminsa desde e luna despues di e final di e periodo di posponemento. Pa acorda e areglo di pago nobo tin dos posibilidad:

a. Bo ta desea pa e fecha final di bo fiansa hipotecario ta keda mescos:

  • E escogencia aki kiermen cu bo lo paga mensualmente banda di e suma hipotecario usual tambe e atraso cu a surgi door di e posponemento den e periodo cu a acorda. Consecuencia di esaki ta cu bo lo paga un suma hipotecario mensual mas halto desde e luna despues di e final di e periodo di posponemento.
  • Si bo scoge pa no cambia e fecha final e ora lo acorda un pago hipotecario mensual nobo y nos lo regla un adaptacion di e pago automatico cu lo cuminsa despues di e periodo di posponemento.

b. Bo ta desea di hala e fecha final di bo fiansa hipotecario pa un otro fecha mas despues:

  • E consecuencia di esaki ta cu e duracion di e fiansa hipotecario ta bira mas largo. Bo ta paga durante un periodo mas largo, pero e suma di e interes y pago riba e capital principal ta keda na e nivel existente.
  • Paga tino: pa motibo cu e debe hipotecario ta wordo paga riba un fecha mas despues, esaki ta influencia e prima(nan) di seguro cu bo mester paga e.o. pa motibo cu e seguro di bida mester wordo adapta.

Mi lo ricibi restitucion di interes si mi a haya posponemento di pago desde april 2020?

Restitucion ta solamente posibel den caso cu e interes hipotecario efectivamente a wordo paga na APFA. Pa e clientenan di hipoteca cu a haya posponemento di pago na april 2020 pa tres of seis luna ta nifica cu e deduccion di interes si ta aplicabel (desde mei 2020) pero cu e restitucion durante e periodo di posponemento no ta aplicabel. Den e caso aki e deduccion di interes lo wordo kita di e saldo existente di e fiansa hipotecaro riba 31 di december 2020.

Mi por stop mi posponemento di pago prome cu e periodo pasa?

Si, esaki por. E clientenan cu kier stop nan posponemento di pago mas prome, mester informa APFA 

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org