Cuanto mi ta paga pa mi pensioen?

Tanto bo dunado di trabou como abo ta paga prima pa bo pensioen. Tur aña  directiva di APFA ta stipula e prima cu e dunado di trabou y e trahado hunto mester paga pa e areglo di pensioen. E punto di salida ta un prima pa cubri gasto. Esaki ta e prima cu ta necesario pa paga e acumulacion di pensioen y pa ehecuta e areglo. E ta un porcentahe di e suma total di e salario. Pa 2018 e prima di NPR 2014 ta stipula riba 16.6%. E reparticion di e prima entre e dunado di trabou y e participante ta varia entre e dunadonan di trabou. Reparticion di e prima ta wordo palabra entre e participantenan y nan dunado di trabou.

Kico ta pasa cu e prima cu mi ta paga?

Ta inverti e prima cu APFA ta ricibi pa asina e placa cu abo y bo dunado di trabou ta paga pa bo pensioen por crece. Experiencia ta mustra cu pa e pago di bo pensioen den futuro 1/3 parti ta sali di e prima y 2/3 parti di e ganashi di e inversionnan. APFA ta inverti e placa segun e maneho di inversion cu el a stipula. Esaki ta dirigi na prome luga pa sigura e pensioen mas tanto posibel. Banda di esey APFA ta trata pa haya mas rendimento di su inversionnan. Tin riesgo den inverti. Mayoria bes ta asina cu mas halto e posibilidad di un rendimento ta, mas halto e riesgo ta bira. Na momento di stipula un maneho di inversion ta evalua cautelosamente e riesgo y e posibilidad pa alcansa un bon rendimento.

Entre otro APFA ta inverti e primanan den accion, bono, propiedad y localmente tambe den prestamo empresarial. Ta inverti mayoria di e capital na Aruba mes. Asina ta usa bo placa y bo dunado di trabou pa stimula e desaroyo economico di nos pais. Tambe nos ta trata di inverti e primanan di pensioen na un manera socialmente responsabel.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org