E areglo di pensioen ta indexa?

APFA ta trata pa tur aña hisa bo pensioen pa asina bo mantene, mas tanto posibel, bo poder di compra. Esaki nos ta yama indexa. Ta depende di e situacion financiero di e fondo si APFA por indexa e pensioen. E criterio di e situacion financiero ta e grado di cobertura. Esaki ta e proporcion entre bienes y e obligacionnan di e fondo, expresa den un porcentahe. Si e grado di cobertura ta 100%, e ora e fondo tin net suficiente placa den caha pa por cumpli cu e obligacionnan actual y den futuro. E tasa di interes, e bolsa di cambio y e desaroyo di expectativa di bida, tin influencia grandi riba e grado di cobertura.

Si e grado di cobertura ta menos cu 100%, APFA lo no por indexa e pensioennan. Indexacion completo ta posibel solamente si e grado di cobertura ta suficientemente halto pa wanta e contratiemponan inespera. E indexacion pa e participantenan activo y di e pensionadonan por varia.
Den todo caso, e indexacion di e miembronan activo lo ta por lo menos igual na e indexacion di e pensionadonan. Directiva di APFA ta esun cu ta dicidi si tin indexacion y cuanto esaki ta.

Durante e ultimo añanan cu a pasa, APFA no por a indexa pensioen. Door di subimento di edad y un deposito di un solo biaha di Gobierno y e otro dunadonan di trabou, a hisa e grado di cobertura a hisa riba un nivel di 100%. APFA ta spera cu den e siguiente añanan e por, cautelosamente, cuminsa cu indexacion. E expectativa ta cu por lo pronto si tin indexacion esaki lo ta uno parcial. Mester enfatisa cu esaki ta depende di e rendimento di e inversionnan. Manera nos a mira den pasado e desaroyo riba mercado financiero por ta turbulento.

Lesa mas di e posicion financiero di APFA

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org