Un tiki historia: di PVL via NPR 2005 y NPR 2011 pa NPR 2014

Anteriormente e Ordenansa di Pensioen pa Trahado di Gobierno (PVL) tabata conta pa tur trahado di Gobierno. Desde mei 2005 a bin un cambio den esaki cu e Areglo Nobo di Pensioen 2005 (NPR 2005), na unda tur trahado cu a drenta servicio di Gobierno despues di mei 2005 a afilia na dje. NPR 2005 tabata existi e ora ey banda di e PVL.

Entrante 1 di januari 2011, a reemplasa e PVL completamente pa e Areglo Nobo di Pensioen 2011 (NPR 2011). Entrante 1 di januari 2014 a reemplasa NPR 2011 completamente pa e Areglo di Pensioen Nobo 2014 (NPR 2014).

Areglo Nobo di Pensioen 2014

E Areglo aki ta un areglo di salario promedio cu indexacion condicional. Salario promedio ta nifica cu bo ta acumula pensioen basa riba e salario promedio cu bo a gana durante tur e añanan cu bo a traha den gobierno of na un di e companianan cu ta afilia na APFA. Indexacion condicional ta nifica cu APFA ta trata tur aña pa adapta bo pensioen segun e aumento di costo di bida. Sinembargo, esaki por solamente si e situacion financiero di e Fondo di Pensioen ta permiti.

E foyeto ‘Bo Pensioen Cerca APFA’ ta describi e asuntonan importante di e contenido di e areglo di pensioen.
Download for di website e foyeto: Bo Pensioen di APFA

Si bo ta desea di sa tur cos den detaye bo por wak e areglo oficial completo NPR 2014.
Download for di website:  NPR 2014

Ordenansa Nacional di Pensioen pa Trahado di Empleado Publico

PVL (Ordenansa di Pensioen pa Trahado di Gobierno) no ta existi mas. Tur (ex) participante di PVL a pasa desde 1 di januari 2011 over den NPR 2011, cu nan pensioen cu nan a acumula den PVL. Esaki mientrastanto a keda substitui pa NPR 2014. PVL tabata un areglo basa riba e ultimo salario. Esaki ta nifica cu e pensioen tabata basa riba e ultimo salario.  Mirando e situacion economico mundial y e embehecemento (mas hende ta haya pensioen pa un tempo mas largo), no tabata financieramente factibel pa mantene e areglo aki.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org