Mi situacion a cambia

Si bin un cambio den bo situacion na trabou of na cas, ta importante pa APFA sa di esaki. Hopi biaha e cambionan aki tin consecuencia pa bo acumulacion di pensioen. Por lo general bo por avisa bo dunado di trabou di e cambionan. E lo tuma contacto cu APFA.

  • Mi traha/gana mas of menos

    Si bo bay traha/gana mas of menos, esaki tin influencia riba bo acumulacion di pensioen y bo prima mensual. P’esey ta importante pa APFA ta na altura di cambio den bo salario. Lesa mas

  • Dispensacion di servicio

    Ora cu bo tin dispensacion di servicio, sin pago di salario, esaki tin influencia riba bo acumulacion di pensioen. Durante e periodo aki ni abo ni bo dunando di trabou ta paga prima y pues bo no ta acumula pensioen. Lesa mas

  • Otro trabou

    Si bo ta un participante di APFA y bo ta bay traha na un otro dunado di trabou cu tambe ta afilia na APFA, e ora e pensioen cu bo a acumula via e dunado di trabou anterior ta sigui conta pa bo acumulacion di pensioen via e dunado di trabou nobo. Lesa mas

  • Retiro

    Na momento di retiro bo tin derecho riba e pensioen acumula ora cu bo yega e edad di pensioen (minimo 60 aña, maximo 65 aña). Si bo haya retiro prome cu bo edad di pensioen, bo tin derecho riba un pensioen suspendi. Lesa mas

  • Casa of biba

    Si bo ta bay casa of biba hunto, esaki lo tin consecuencia pa bo pensioen. T’asina cu na momento cu bo fayece, bo partner ta ricibi un pensioen di viudo/viuda. P’esey ta importante pa APFA sa si bo ta bay casa of bay biba hunto. Lesa mas

  • Haya yiu

    Si bo haya yiu bo no mester informa APFA di esaki. Si bo fayece, bo yiunan soltero bou di 18 aña di edad, bo yiunan soltero studiando ainda of bo yiunan incapacita pa traha, bou di 25 aña di edad, ta haya un pensioen. Lesa mas

  • Divorcio

    Aki ta trata di divorcio despues di 1 di januari 2014, separacion of terminacion di un concubinato cu un partner cu kende bo tabatin un contracto di concubinato di despues di 1 di januari 2014. Lesa mas

  • Emigra

    Ora bo tin 3 aña caba bibando den exterior, bo por haci un peticion na APFA pa bo cumpra e pensioen cu bo a acumula. APFA lo haci un control via Departamento di Impuesto (SIAD) y Censo y despues lo dicidi riba e balor di compra di e pensioen cu bo acumula , basa riba e base stipula door di directiva di e fondo di pensioen. Lesa mas

  • Incapacita pa traha

    Si pa motibo di salud of deficiencia bo ta incapacita pa cumpli cu bo funcion, directiva di e fondo di pensioen, por duna bo un derecho riba un pensioen di invalidez. Directiva ta basa su mes riba un evaluacion di un examen medico.For di e evaluacion medico aki sali afo cu bo ta permanentemente parcialmente incapacita, pero di otro banda bo por haci otro tipo di trabou pa bo dunado di trabou. E directiva e ora ey tin e derecho di duna bo un pensioen di invalidez parcial. Lesa mas

  • Fayecimento

    Si bo fayece, bo partner ta ricibi un ‘nabestaandenpensioen’ si bo matrimonio of contract di concubinato a tuma luga prome cu e fecha di bo pensioen of retiro. Pa bo yiunan menor di edad of yiunan cu ta studiando ainda, tin un pensioen di huerfano te 25 aña. Lesa mas

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org