Divorcio

Aki ta trata di divorcio despues di 1 di januari 2014, separacion of terminacion di un concubinato cu cual tabatin un contract di concubinato acorda despues di 1 di januari 2014. Si bo ta bay divorcia bo ex-partner tin derecho riba mita di e pensioen di biehes cu bo a acumula durante e matrimonio of e concubinato. Abo y bo ex-partner mester informa APFA por escrito di e divorcio. E ora ey bo ex-partner ta haya derecho liber di prima, riba e pensioen di biehes. E pensioen ta drenta na vigor na momento cu abo baha cu pensioen. E ta sigui te ora cu bo ex-partner fayece.

Ta posibel tambe cu abo palabra algo diferente cu bo ex-partner tocante e reparticion di pensioen. E palabracionnan aki mester ta por escrito por medio di un acta notarial, convenio di divorcio of un decision di hues y APFA mester ta di acuerdo cu nan.

Si bo ex-partner a fayece prome cu bo, bo ta haya derecho riba e pensioen di biehes completo cu bo a acumula durante e matrimonio of concubinato.

Si bo ta hayando un pensioen di invalidez, e mesun reglanan di reparticion di e pensioen di biehes ta conta na momento di divorcio.

Den caso di divorcio prome cu 31 di december 2013, e contenido di e convenio di divorcio,  e acta notarial of e decision di hues ta determina pa e pensioen di biehes. APFA no tin ningun rol den e reparticion di pensioen di biehes. APFA na tur momento ta dispuesto pa calcula e balor efectivo di e pensioen acumula, durante di e periodo di e relacion.

Pensioen di viudo/viuda extraordinario

Banda di e derecho liber di prima riba mita di e pensioen di biehes cu bo a acumula, bo ex-partner tin derecho riba un pensioen di viudo/viuda extraordinario si e divorcio a tuma luga despues di 1 januari 2014. Aki ta trata di mita di e pensioen di viudo/viuda extraordinario cu bo a acumula durante e matrimonio of concubinato. E pensioen di viudo/viuda extraordinario ta drenta na vigor na momento cu bo fayece y ta keda pag’e te na momento cu bo ex partner fayece. Si bo ex-partner fayece, abo ta haña e drecho total atrobe riba e pensioen di viudo/viuda extraordinario..

pa divorcionan cu a tuma luga prome cu 31 di december 2013 pa locual ta trata pensioen di viudo/viuda extraordinario ta determinante locual tin para den e reglamento di pensioen cu ta valido na momento cu e divorcio a tuma lugar.

Informa APFA

Ta importante pa bo dunado di trabou informa APFA di e cambionan aki pa medio di un formulario di cambio. Manda un copia di e acta di divorcio hunto cu ne.

Si bo no tin un dunado di trabou (cu no ta afilia na APFA ), bo mes mester tuma contacto cu APFA.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org