Incapacita pa traha

Si pa motibo di salud of deficiencia bo ta incapacita pa cumpli cu bo funcion, directiva di e fondo di pensioen, por duna bo un derecho riba un pensioen di invalidez. Directiva ta basa su mes riba e resultadonan di un evaluacion medico. For di e evaluacion medico aki por sali afor cu bo ta permanentemente parcialmente incapacita, pero di otro banda bo por haci otro tipo di trabao  pa bo dunado di trabao. E directiva e ora ey tin e derecho di duna bo un pensioen di invalidez parcial. 

Pa calculacion di e pensioen di invalidez, directiva ta wak e pensioen di biehes cu bo lo por a acumula si bo a keda traha te na e edad di pensioen valido pa bo, cerca bo dunado di trabou actual. Bo ta ricibi e pensioen di invalidez for di momento cu bo haya retiro pa motibo di incapacidad permanente pa traha. E pensioen di invalidez ta reemplasa e pensioen di biehes, te ora bo yega bo edad di pensioen. E compensacion ta dura te na e ultimo dia di e luna cu bo fayece of te na momento cu bo incapacidad di traha termina. Si banda di e pensioen di invalidez bo tin otro entrada, esaki tambe lo ta determina pa e haltura di e pensioen di invalidez cu bo ta ricibi di APFA.

Compensacion transitorio di Pensioen di Biehes General

Si bo ta ricibi un pensioen di invalidez y bo no a yega e edad di pensioen valido ainda pa AOV, bo tin derecho riba un compensacion transitorio di e Pensioen di Biehes General.
E compensacion ta drenta na vigor na momento cu bo ricibi e pensioen di invalidez y ta dura te fin di e luna cu bo yega e edad pa ricibi pensioen di AOV. 

E haltura di e compensacion ta basa riba e cantidad di aña cu bo a alcansa caba y cu bo lo por a sigui alcansa si bo no lo a bira permanente incapacita pa traha. 

Informa APFA

Ta importante pa bo informa APFA, via bo dunado di trabou cu bo a bira incapacita pa traha. Bo dunado di trabou ta pidi directiva di APFA pa un evaluacion medico prome cu e retiro real. Despues di e evaluacion e comision medico lo presenta su conseho na directiva di APFA.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org