Otro trabou

Si bo ta un participante di APFA y bo ta bay traha na un otro dunado di trabou cu tambe ta afilia na APFA, e ora e pensioen cu bo a acumula via e dunado di trabou anterior ta sigui conta pa bo acumulacion di pensioen via e dunado di trabou nobo.

Si bo ta un participante di APFA y bo ta pasa pa un dunado di trabou nobo, cu no ta afilia na APFA, bo tin dos opcion e ora ey. Bo por laga e pensioen cu bo a acumula keda na APFA, sin cu bo tin cu paga prima, te ora bo baha cu pensioen. Si bo tin maximal 10 aña ta participa den un areglo di pensioen, bo por scoge tambe pa traspasa e balor di bo pensioen. E ora bo mester entrega un peticion na APFA pa bo traspasa bo balor di pensioen acumula, pa e fondo cu ta ehecuta e plan di pensioen di bo dunado di trabou nobo. For di APFA e ora, bo ta haya un resumen di loke bo a acumula. Si abo y esun cu ta ehecuta e pensioen pa bo dunado di trabou nobo bay di acuerdo, ta traspasa e balor di bo pensioen. Si e posicion financiero di APFA no ta alcansa pa haci esaki, e fondo no por cumpli cu e traspaso di balor aki. Lo wanta e peticion te na momento cu e situacion financiero mehora.

Informa APFA

Ta importante pa APFA haya informacion si bo cambia di trabou. Pa bo dunado di trabou anterior, esaki ta nifica cu e mester informa APFA di bo retiro.
Si bo dunado di trabou nobo ta afilia na APFA, e dunado di trabou nobo aki mester manda APFA  un comprobante cu bo a drenta den su servicio pa APFA, cu tur bo informacion personal, bo salario y e base di pensioen.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org