Retiro

Si bo tuma retiro prome cu bo lo mester baha cu pensioen, bo participacion na e fondo di pensioen di APFA ta termina. Excepcion ta ora bo stop di traha pa motibo cu bo ta permanentemente incapacita pa traha y lo bo bay ricibi un pensioen di invalidez of un areglo di wachtgeld of un areglo parecido.

Contrario na e excepcionnan describi aki riba, bo participacion ta termina ora bo stop di traha y bo ta keda cu bo derecho di pensioen, liber di prima, riba pensioen di biehes y pensioen di viudo/viuda y of huerfano. Liber di prima ta nifica cu bo no ta paga prima mas y consecuentemente bo no ta acumula pa pensioen na APFA tampoco. Si lo ahusta bo derecho segun aumento di prijs, a lo menos si APFA tin suficiente medio financiero pa haci esaki. Si bo tin derecho liber di prima, e posibilidad pa scoge, por ehempel pa bay mas trempan of mas laat cu pensioen of e construccion mas hopi/ menos ta keda existi. Tambe e stipulacionnan di e areglo, manera den caso di divorcio, ta keda valido.
Si bo cambia di dunado di trabou, bo por scoge tambe pa e traspaso di balor di bo pensioen. Wak na Otro trabou’ pa mas informacion.

Continuacion di participacion den caso di wachtgeld

Bo dunado di trabou por palabra cu bo cu despues di bo retiro bo lo ricibi un parti di bo salario den forma di un pago periodico, cu (pa un parti) bo por acumula pensioen riba dje, despues di haya autorisacion di APFA. E dunado di trabou mester entrega un peticion por escrito na APFA. Directiva di APFA por acorda e peticion y lo stipula den su decision e salario cu ta conta pa e acumulacion di pensioen. E acumulacion di pensioen hunto cu e cobertura di riesgo di invalidez y fayecimento ta continua tanten cu bo ta ricibiendo bo pago periodico.

Informa APFA

Ta importante pa bo dunado di trabou informa APFA di esaki.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org