Areglo transitorio NPR 2014

E participante por a acumula pensioen den tres diferente areglo di pensioen di APFA dependiendo con largo e tabata den servicio di Pais Aruba of un institucion subsidia door di Pais Aruba. E tres areglonan aki ta: PVL, NPR 2011 y NPR 2014. Como parti di e transicion di PVL pa NPR 2011 a establece un areglo transitorio. Cu introduccion di NPR 2014, sindicato y dunado di trabou a expresa e deseo di aplica e areglo transitorio aki pero cu adaptacion. A incorpora e adaptacionnan aki den e e areglo transitorio di NPR 2014.

Pa kende e areglo transitorio ta conta?

E areglo transitorio di NPR 2014 ta conta na e momento aki solamente pa e empleadonan di gobierno y e institucionnan subsidia door di gobierno. Cu e demas dunadonan di trabao apunta ainda no a haci palabracion tocante e ehecucion di un posibel areglo transitorio

Kico e areglo transitorio ta encera?

E areglo transitorio di NPR 2014 ta encera cu den caso di pensioen adelanta bou di cierto circumstancia lo no efectua un reduccion di bo pago di pensioen riba e parti cu bo a acumula den e areglo di PVL. Si lo efectua un reduccion riba e parti di pensioen acumula den NPR 2011 y NPR 2014. E reduccion aki no ta conta solamente pa e periodo cu ta bin acerca door cu bo a baha cu pensioen adelanta, pero lo conta pa bida largo desde e momento cu bo baha cu pensioen adelanta. E cantidad di luna cu lo bo por baha cu pensioen adelanta segun PVL sin reduccion ta depende di e cantidad di aña cu bo a acumula pensioen na APFA te 1 di januari 2011. Mira pa esaki e tabel aki bou.

Condicion pa por haci uso di e areglo transitorio

Pa haci uso di e areglo transitorio di NPR 2014 bo mester cumpli cu e siguiente condicionnan:

  • Bo a participa na e anterior areglo di PVL;
  • Bo ta un participante cu ta den servicio of tabata den servicio di Pais Aruba of un institucion cu Pais Aruba ta subsidia;
  • Bo tabata tin entrante 1 di januari 2011 minimo 10 aña di pensioen acumula. E cantidad di luna cu bo por baha cu pensioen adelanta sin reduccion ta depende di e cantidad di aña di participacion;
  • Bo dunado di trabou ta di acuerdo pa bo baha cu pensioen adelanta.

E reglanan exacto ta describi den e anexo 4 di e reglamento di NPR 2014. Primi aki pa download e anexo di NPR 2014.

Cuater categoria di empleado

Den e reglanan pa pensioen adelanta sin reduccion ta haci distincion entre cuater categoria di empleado. E cantidad di aña di servicio entrante 1 di januari 2011 ta determina esaki. Aki bou bo por primi door pa wak e situacion cu ta aplicabel pa bo. Pa aclara nos a pone un ehempel cu ta calcula esaki.

Cantidad di aña di servicio desde 1-1-2011  
Entre 10 y 20 Primi aki
Entre 21 y 28 Primi aki
29 Primi aki
30 Primi aki

Resumen edad di AOV

E edad di AOV ta hunga un rol importante den e calculacion. Primi aki pa un resumen pa mira cua edad di AOV ta conta pa bo.

Limite maximo pa gasto di areglo transitorio di NPR 2014

Gobierno y sindicato a palabra cu lo tin un maximo di Afl. 30 miyon disponibel pa haci uso di e areglo transitorio di NPR 2014. APFA lo calcula e gastonan di e areglo transitorio di NPR 2014 y gobierno mester paga esaki. Asina cu e gastonan aki pasa e suma di Afl. 30 miyon, lo stop e areglo transitorio di NPR 2014. Gobierno y sindicatonan lo evalua anualmente e uso di e areglo transitorio aki.

Na ki momento bo mester entrega un peticion pa baha cu pensioen adelanta?

Bo mester entrega e peticion pa baha cu pensioen adelanta 6 luna prome cu bo yega e fecha di pensioen desea, pero no prome cu 8 luna. Despues di esaki  APFA lo honra e peticion formalmente mas tarda 3 luna prome cu bo yega e fecha di pensioen desea, si bo a cumpli cu tur e condicionnan. APFA no ta trata peticion entrega mas cu 8 luna prome cu yega e fecha di pensioen adelanta desea.

Nos ta yuda bo gustosamente

Pa sa si bo ta bin na remarca pa haci uso di e areglo transitorio di NPR 2014 bo por tuma contacto cu Service Desk di APFA. Nos lo establece bo situacion personal y si bo ta desea nos ta calcula pa bo cuanto bo pensioen lo bira si bo haci uso di e areglo transitorio of un di e otro posibilidadnan di escohencia den e areglo di pensioen. Primi aki pa un resumen di e posibilidadnan di escohencia.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org