Prome of despues di edad di pensioen

E edad di pensioen pa e areglo di pensioen di APFA ta pues igual na e edad valido pa AOV. E posibilidad ta keda pa bay cu pensioen mas trempan si abo ta desea esey. E momento mas trempan cu bo por bay cu pensioen ta cu 60 aña. Bo mester ta consciente si cu bo pensioen ta bira menos. Pasobra e ora ta paga e pensioen pa un periodo mas largo. Bo partner mester ta di acuerdo cu bo ta bay cu pensioen mas trempan, pasobra e pensioen di viudo/viuda tambe ta bira menos.

Si bo ta desea di keda traha despues di e edad di pensioen valido, den principio, e areglo di pensioen ta ofrece e posibilidad aki. Bo dunado di trabou mester ta di acuerdo cu esaki. Bo por pospone bo pensioen te maximal 70 aña. Bo suma di pensioen ta bira mas hopi ya cu bo ta bay cobra pensioen pa un periodo mas cortico. Si bo keda traha mas largo, bo por keda acumula pensioen dentro di e margen fiscal, sibo a pospone bo pensioen di AOV tambe. Mester tene na cuenta si cu e acumulacion aki ta stop ora bo cumpli 65 aña. Pa pospone bo pensioen, bo mester entrega bo peticion 6 luna prome cu e fecha real di bo pensioen.

Peticion pa bay cu pensioen mas trempan of mas laat

Si bo kier bay cu pensioen mas trempan bo mester entrega bo peticion, 6 luna prome cu e fecha cu bo ta desea di bay cu pensioen, na directiva di APFA. Si en cambio bo kier bay mas laat cu pensioen bo mester entrega esaki, via bo dunado di trabou, 6 luna prome cu bo edad valido di pensioen, na APFA.
Cu e formulario aki tanto abo como bo dunado di trabou ta bay di acuerdo cu e posponemento di bo pensioen.

Bo por haci e peticion pa baha mas trempan cu pensioen solamente un biaha . Bo por pidi pa pospone bo pensioen un biaha pa aña te na e edad di 70 aña.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org