Mi pensioen ta subi anualmente?

APFA ta trata pa subi e pensioen anualmente pa mas tanto posibel sigui e aumento di costo di bida. E indexacion por solamente si e situacion financiero di e fondo ta permiti esaki. Ta p’esey e grado di cobertura - e relacion entre e bienes y e obligacionnan di e fondo expresa un porcentahe - ta determinante. Directiva di APFA ta dicidi si e pensioen ta subi of no.

Tin diferencia den e indexacion di e diferente areglonan di pensioen. E PVL no tabata conoce indexacion, pero un ‘duurtetoeslag’, cu no ta APFA pero e dunado di trabou tabata paga. Si ta asina cu APFA ta percura pa e pago di e compensacion aki, hunto cu e pensioen. Na momento di a renoba e areglo entrante 1 di januari 2014, e organisacionnan di dunado di trabou y di sindicatonan, a palabra cu e pensionadonan den e areglo di PVL ta mantene nan ‘duurtetoeslag’, pero no lo subi esaki mas den futuro. E areglo NPR 2011 tin pa su pensionadonan un areglo di indexacion condicional cu ta depende di e grado di cobertura. Esaki tambe ta e caso pa NPR 2014.

Pa motibo cu e grado di cobertura durante e añanan cu a pasa tabata considerablemente bou di e minimo di 100% , e pensioen no a subi. Entrante 1 di januari 2014 e grado di cobertura a subi te na 100% pa motibo cu e participantenan di NPR 2014 ta keda traha mas largo y Gobierno y e dunadonan di trabou a deposita un contribucion extra di un solo biaha. Esaki ta nifica cu e perspectiva di indexacion lo mehora tambe pa e pensionado di NPR 2014. Mester enfatisa si cu APFA ta duna e perspectiva aki cu reserva ya cu e grado di cobertura ta depende fuertemente di e desaroyo di e interes, expectativa di bida promedio y desaroyo riba mercado financiero.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org