Con halto e prima ta

Abo y e trahadonan ta paga prima pa e pensioen. Directiva di APFA tur aña ta stipula e prima cu dunado di trabou y trahado mester paga hunto pa e areglo di pensioen. E punto di salida aki ta un prima cu ta cubri gastonan. Esaki ta e prima cu ta necesario pa paga e gastonan di acumulacion di pensioen y pa ehecuta e areglo. Esaki ta un porcentahe di e suma total di e salario. E prima di NPR 2014 ta stipula na 16.6% pa 2018. E reparticion di e prima entre e dunado di trabou y trahado ta diferente pa cada dunado di trabou. SIndicato y dunado di trabou ta palabra con ta reparti e prima total

Kico ta pasa cu e prima cu mi ta paga?

Ta responsabilidad di APFA pa laga e placa crece. Esey nos ta haci door di inverti esaki cautelosamente na un manera responsabel. Mayoria di e inversionnan ta tuma luga riba nos isla mes. Asina nos ta contribui pa un parti importante na e crecemento economico y prosperidad di Aruba. Ademas nos ta inverti – aki y den exterior – solamente den proyecto cu ta cumpli cu regla di inversion socialmente responsabel y cu lo duna suficiente rendimento cu riesgo cu ta aceptabel.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org