Tocante APFA

Riba 29 di april 2005, a funda Stichting Algemeen Pensioenfonds Aruba, APFA  (APFA of e fondo). Un directiva cu ta consisti di un Director General, un Director Financiero & Pensioen y un Director di Inversion kendenan ta dirigi e fondo. Un Conseho di Supervision ta controla e directiva y ta supervisa e fondo. E Conseho di Supervision ta consisti di 5 miembro: un miembro representando Pais Aruba, un miembro representando otro dunadonan di trabou, dos miembro representando e sindicatonan y un experto independiente como presidente.

APFA ta un organisacion independiente cu ta ehecuta e areglo di pensioen di trahado di gobierno, NV di gobierno y fundacion/instancia cu ta ricibi subsidio di gobierno na Aruba. Nos ta percura pa bo por stop di traha riba e fecha cu bo yega e edad valido di pensioen y bo por keda disfruta di un entrada. Tambe nos ta percura pa bo famia keda cu un entrada despues cu bo fayece of un pensioen di invalidez, si bo no por traha pa un temporada largo. Abo y bo dunado di trabou ta paga un prima tur luna. Ta nos responsabilidad pa laga e placa aki crece. Nos ta haci esaki door di inverti cautelosamente, eticamente y socialmente responsabel. Asina nos ta percura pa bo pensioen den futuro y alabes nos ta contribui na prosperidad di Aruba.

APFA ta maneha actualmente un areglo di pensioen: NPR 2014. Ademas APFA ta ofrece hipoteca faborabel na su participantenan. APFA tin untotal di mas o menos 11.000 participante. Di esaki 7.100 ta spaar ainda pa pensioen y 3.900 ta cobrando pensioen.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org