ENTREGA DI FORMULARIO PA BAHA CU PENSIOEN OF PA POSPONE PENSIOEN EN CONEXION CU COVID-19

Bo kier baha cu pensioen of bo kier pospone bo bahamemento cu pensioen? Si un di esakinan ta e caso, bo mester entrega un peticion pa sea baha cu pensioen of pospone bo bahamento cu pensioen door di yena e formulario corespondiente y manda nos esaki hunto cu tur otro documento mas completo cu ta posibel na nos e-mail: servicedesk.pensioenen@apfaruba.org.

Nos ta realisa cu door di e desaroyonan rond di e virus COVID-19, lo ta dificil pa haya e documentonan di Registro Civil y Censo cu nos ta rekeri por ehempel papel di 5 florin, acta di casamento, acta di divorcio, etc. ya cu nan a adapta nan servicio. Por lo pronto bo por entrega bo peticion sin mester entrega e documentonan aki, 

Peticion pa baha cu pensioen

Bo ta haci e peticion pa baha cu pensioen door di yena nos formulario y entrega esaki no mas tarda cu 6 luna prome cu e fecha cu lo bo mester baha cu pensioen incluyendo e documentonan corespondiente mas completo cu ta posibel, na nos  e-mail: servicedesk.pensioenen@apfaruba.org. 

Download e formulario pa haci e peticion pa baha cu pensioen aki

Posponemento di pensioen

Bo ta haci e peticion pa pospone bo pensioen door di yena nos formulario y entrega esaki no mas tarda cu 6 luna prome cu e fecha original cu bo lo a baha cu pensioen. Si bo a pospone e fecha cu bo lo baha cu pensioen anteriormente y bo kier entrega un peticion pa posponemento di bo pensioen atrobe, bo mester entrega e formulario no mas tarda cu 6 luna prome cu e fecha cu bo a pospone bo pensioen anteriormente. 

Download e formulario pa posponemento di pensioen aki

Splicacion di e formularionan

Bo ta haya un splicacion di e formularionan banda patras di cada un. Lesa e splicacion aki bon, pero no mester di manda esaki bek pa nos.  

Pregunta?

Door di e desaroyonan rond di COVID-19 nos oficina ta cera temporalmente. Nos ta keda traha riba distancia. 

Pa pregunta bo por tuma contacto directo cu un di nos consulentnan di dialuna pa diabierna, di 8:00 or pa 16:30 via di e informacion di contacto akibou: 
Number general : 525-2732
Number di celular : 568-6450 / 567-0999
Of e-mail: servicedesk.pensioenen@apfaruba.org

Nos lo por contesta bo mas lihe si bo manda nos un whatsapp of e-mail.

 

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org