ANUNCIO IMPORTANTE PA SERVICIO Y HIPOTECA

Apreciabel participante, pensionado y otro partido interesa,

Stichting Algemeen Pensioenfonds Aruba (APFA) mescus cu tur hende ta sigui di cerca e desaroyonan relaciona cu e virus COVID-19. Pa limita mas tanto cu ta posibel e riesgo pa e salud di nos participantenan, pensionadonan y empleadonan, APFA a cera su oficina pa publico comienso di siman.

Servicio di APFA lo continua

APFA lo keda den e periodo venidero activo 'riba distancia'. Esey kiermen cu nos servicio na participante y pensionado lo continua. APFA lo percura pa continua cu e pago di pensioen y otro servicio.

Bo por comunica cu nos di dialuna pa diabierna di 8:00 or te 16:30 riba e numbernan di telefon menciona akibou:

Number general                  : 525-2732

Departamento di Pensioen: 568-6450

Departamento di Hipoteca : 560-9405

Hipoteca di APFA

Pa APFA ta obvio cu e crisis causa door di e virus COVID-19 lo tin consecuencia financiero pa su participantenan. APFA tin tur comprension pa e clientenan di hipoteca cu a consecuencia di e crisis aki probablemente lo no por cumpli cu nan pagonan mensual di hipoteca. APFA lo busca e miho solucion pa e clientenan aki basa riba e situacion individual. E clientenan aki por tuma contacto cu nos riba e siguiente number di telefon: 560-9405.

Of via e-mail: servicedesk.hypotheken@apfaruba.org

Klik aki pa download e anuncio

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org