Cambio di prima di AZV pa e pensionadonan cu AOV

Cambio di prima di AZV pa e pensionadonan cu AOV

E Ordenansa Nacional di seguro medico general (AZV) a conoce cambio entrante 1 di juli 2018. E cambio di AZV ta aplicabel pa e personanan cu ta ricibi un pensioen a base di e Ordenansa Nacional di seguro di pensioen general (AOV-pensionado). Door di e cambio aki e AOV-pensionadonan ta paga entrante 1 di juli 2018 un prima di AZV di 6,5% riba un entrada anual te Afl. 30.000. Si e entrada anual ta mas cu Afl. 30.000, e tarifa normal di 10,5% ta aplicabel riba e diferencia.

 

APFA a implementa e cambio di AZV aki den su administracion di pensioen. Esaki a conduci na un coreccion administrativo relaciona cu e deduccion di e prima di AZV cu a tuma lugar den e pago di pensioen di luna di juli 2018. Riba e pensioenslip di juli 2018 e AOV-pensionadonan por mira un suma di AZV mas abou (of den tin caso hasto cero) compara cu e lunanan anterior.  Esaki ta haci cu e pensioen netto di luna di juli 2018 ta mas halto cu normal.  

 

Entrante e pago di pensioen di luna di augustus 2018 e deduccion di e prima di AZV lo normalisa conforme e structura di tarifa nobo y na final di aña 2018 e AOV-pensionadonan di APFA lo a paga e suma corecto di prima di AZV pa henter e aña.

 

Bo tin pregunta?

Bo por tuma contacto cu nos door di yama nos departamento di pensioen di dialuna pa diabierna entre 8 or di mainta pa 4 or y mey di atardi na number di telefon 525 2732. Tambe por pasa personalmente di dialuna pa diabierna entre 8 or pa 10 or di mainta sin cita of por manda nos un email na servicedesk.pensioenen@apfaruba.org pa mas informacion of pa haci un cita. Nos t’ey pa yuda bo.

 

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org