POSPONEMENTO DI ENTREGA DI ATTESTATIE DE VITA

Apreciabel pensionado di APFA,

E Reglamento di Pensioen ta stipula cu un pensionado cu ta biba den exterior mester entrega dos biaha pa aña un comprobante cu e ta na bida (attestatie de vita) na APFA. E attestatie de vita aki mester wordo entrega na APFA mas tarda dia 31 di maart 2020.
Nos ta conciente cu mundo henter a tuma medida en conexion cu e crisis di e coronavirus. Y esaki ta causa cu ta dificil pa nos pensionadonan, cu ta esnan mas vulnerabel, por haci un peticion riba e manera usual cerca e gemeente unda nan ta inscribi. Pa e motibo aki nos a dicidi pa pospone e fecha pa entrega e attestatie de vita te 30 di juni 2020.

Nos ta conseha nos pensionadonan pa haci uso di e posibilidad pa pidi nan attestatie de vita online cerca nan gemeente.

Servicio adapta

Nos oficina ta temporalmente cera. Nos ta traha si riba distancia pa duna nos pensionadonan e servicio necesario.

Si acaso tin pregunta tocante e comunicado aki por manda nos un e-mail via: info@apfaruba.org. Tambe por tuma contacto cu nos riba e number di telefon (+297) 525 2732 di dialuna pa diabierna di 8:00 or pa 16:30 or.

Nos ta spera cu nos pensionadonan ta bon di salud y cu pronto nos por brinda nos servicio na e manera usual.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org