Reduccion temporario di interes y posponemento di pago di hipoteca

Yudansa pa e clientenan cu un hipoteca di APFA

Tur participante di APFA a wordo impacta door di e coronacrisis y hopi tin perdida di entrada. E fondo ta yuda su participantenan cu tin un fiansa hipotecario cerca APFA door di brinda e posibilidad pa posponemento di pago. E posponemento aki por wordo duna pa 3 of 6 luna of e e resto di e periodo di 2020.

No ta tur cliente di hipoteca ta wordo yuda door di e posponemento di pago menciona, por ehempel pa motibo cu e entrada a baha solamente parcialmente. Pa e motibo aki APFA ta duna su clientenan di hipoteca desde mei te december di e aña aki un reduccion temporario di 50% riba e gastonan di interes. E reduccion di interes lo wordo duna na e clientenan cu ta cumpliendo cu nan pago di hipoteca via un restitucion mensual di e reduccion aki. E clientenan cu ta desea di ricibi e restitucion aki por download e formulario y entrega esaki via e-mail of post na APFA. E clientenan cu no ta desea un restitucion awor, lo ricibi na final di 2020 un deduccion di nan suma hipotecario igual na e reduccion di interes den e periodo menciona.

Cu e yudansa aki APFA kier duna un alivio financiero temporario na e clientenan cu a concoce un reduccion den nan entrada. Asina nos ta yuda evita cu e clientenan ta bin den problema financiero den termino corto y ta duna nan espacio pa regla nan situacion financiero. Na mes momento nos ta vigila di e forma aki e calidad di e portafolio hipotecario cu ta duna un aporte importante na e rendimento pa tur participante.

Ultimo dia pa entrega formulario di reduccion temporario di interes

E ultimo dia pa entrega e formulario pa reduccion temporario di interes ta 31 di augustus 2020.  Despues di e fecha aki nos lo procesa e restitucion cu bo lo a ricibi durante e periodo di mei 2020 te december 2020 como deduccion riba e suma hipotecario cu bo ta debe riba 31 di december 2020.

Download e formulario di reduccion temporario di gasto di hipoteca aki

Ultimo dia pa peticion pa posponemento di pago

E ultimo dia pa entrega un peticion pa posponemento di pago di un fiansa hipotecario ta dia 31 di oktober 2020. Nos lo no trata e peticionnan pa posponemento di pago cu drenta despues di e fecha aki.

 

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org