Nos promesa na bo

E topico di pensioen ta un materia complica, pero sigur masha relevante pa cada participante. Pasobra aki ta trata di bo entrada pa despues. Nos tarea ta pa maneha e fondo di pensioen mas cauteloso posibel, duna bo splicacion tocante bo situacion di pensioen mas cla posibel y ta transparente tocante e situacion financiero di e areglonan di pensioen.

Maneho cauteloso di e fondo di pensioen

APFA ta maneha e Areglo Nobo di Pensioen; NPR 2014. E primanan cu APFA ta ricibi via e areglonan aki, e ta maneha nan na un manera adecuado y cuidadoso. Pa por paga suficiente pensioen despues, ta necesario pa laga e placa di prima crece. Esaki APFA ta haci door di inverti. Pa cada decision cu APFA tuma, nos ta puntra nos mes: e decision aki ta na bienestar di e participantenan? E ta na bienestar di Aruba? E ta cuadra den un contexto social mas amplio?

Claridad tocante pensioen

Riba e website aki nos ta duna bo hopi informacion tocante pensioen.
Si bo tin mas pregunta of sugerencia bo por manda nos esaki uzando e formulario di contacto. Logicamente bo por pasa tambe cerca bo dunado di trabou. E orario di APFA ta di 7:30 di mainta te 4:30 di atardi. Tambe bo por haci un cita cu un di nos consulentnan na number: (297) 525 2732.

Transparencia encuanto e situacion financiero

Mundialmente e fondonan di pensioen a haya problema cu e crisis financiero asina APFA tambe. APFA a haya su mes cu inversionnan cu a perde balor y cu un tasa di interes hopi mas abou. Ademas nos ta birando cada biaha mas bieu. Esaki logicamente ta agradabel, pero consecuencia ta cu nos ta cobra pensioen pa un periodo mas largo y APFA mester paga pensioen pa un periodo mas largo. E desaroyonan aki a conduci na un grado di cobertura (mucho) abou pa e areglonan anterior di PVL y NPR 2011. Cu e introduccion di e areglo NPR 2014, a dicidi pa mehora e grado di cobertura te na un nivel di 100% bruto. Di un banda esaki ta tuma luga door di aumenta/hisa edad di pensioen y di otro banda door di un extra contribucion, den un solo biaha, di Gobierno y e otro dunadonan di trabou. Pa por cumpli cu tur futuro obligacion di pensioen, e grado di cobertura bruto di e fondo di pensioen mester ta minimo 100%.
Via e website nos lo keda informabo regularmente di e situacion financiero di e fondo.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org