Prome nos tabatin PVL, despues NPR 2011 y awo NPR 2014. Bo lo por splica un biaha mas con e traspaso di esnan cu derecho di pensioen ta regla awo?

Entrante 1 di januari 2011, a elimina PVL y a introduci NPR 2011. A pasa e pensioen cu e participantenan activo a acumula di PVL den NPR 2011, unda e edad di pensioen a subi di 55 pa 60 aña. E tempo ey a palabra un areglo transitorio den cual algun ex-participante di PVL, dependiendo di nan cantidad di aña di servicio riba 1 di januari 2011, por a cuminsa haya nan pensioen algun luna mas trempan.

Entrante 1 di januari 2014, a reemplasa NPR 2011 pa NPR 2014. A bolbe traspasa e pensioen cu a acumula di NPR 2011 den NPR 2014. E edad di pensioen a subi awo di 60 aña pa e edad di pensioen valido segun AOV. A keda palabra cu un areglo transitorio nobo lo bin na analogia di e areglo transitorio di NPR 2011. A base di e areglo transitorio nobo aki e dunado di trabou y e trahado por palabra cu – a cambio di pago di un suma– por cumpra derecho extra di pensioen na APFA, pa haci e bahamento di pensioen mas trempan (prome cu e edad di pensioen di AOV) posibel. Un comision di dunado di trabou y representante di trahado a ocupa nan mes cu e contenido di e areglo transitorio aki.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org