Tin ainda un plan di recuperacion awo cu e grado di cobertura a bay te 100%?

Si, ainda e plan di recuperacion ta valido, pero e ta un plan riba termino largo. E grado di cobertura di 100% ta, un asina yama grado di cobertura bruto. Esaki ta e exigencia minimo absoluto. Banda di esey APFA mester tin tambe un capital extra di mas of menos 7% bruto, pa por wanta cualkier contratiempo financiero. Un grado di cobertura bruto di 107% ta igual na un grado di cobertura netto di 100%. Den su plan di recuperacion riba termino largo, APFA mester indica con den 15 aña e ta pensa di yega riba e nivel minimo ey.

Stichting Algemeen Pensioenfonds Aruba
Seroe Blanco 4, Oranjestad, Aruba
T.(297) 525 2732 F.(297) 525 2727
info@apfaruba.org