Pensioen como fundamento di prosperidad duradero
Seminario regional ta trece e profesionalnan hunto tocante e futuro di Caribe Hulandes
Pensioen como fundamento di prosperidad duradero
Seminario regional ta trece e profesionalnan hunto tocante e futuro di Caribe Hulandes
Sint Maarten, mei 2026 – con nos por percura pa prosperidad duradero den un region cu ta pasando den cambio demografico, presion economico y expectativa social cu ta cambiando?
Pa prome biaha e seminario anual di Caribbean Pension Funds Association (CaPAs) ta tuma luga na Sint Maarten. Bou di e titulo Pensions and Prosperity lo trece e profesionalnan, trahadonan di maneho y stakeholders di henter Caribe Hulandes hunto na Sonesta Maho Beach Resort.
E seminario ta mustra cu pensioen ta mas cu un areglo financiero. E ta forma un fundamento importante pa stabilidad social, resiliencia economico y desaroyo duradero.
Un bista mas amplio riba prosperidad
E seminario di CaPAs ta bay mas leu cu e fronteranan tradicional di e sector di pensioen. E ta ofrece un plataforma pa un discusion mas amplio riba e futuro di prosperidad den Caribe Hulandes.
E pregunta central ta con e sistemanan financiero, desaroyo demografico y comportacion individual ta influencia otro. E factornan aki hunto ta determina con stabil y prepara pa futuro nos comunidad ta.
“Pensioen no ta trata solamente entrada pa despues”, segun Oscar Williams, presidente di CaPAs. “E ta forma e fundamento di confiansa, stabilidad y prosperidad duradero. Cu pa prome biaha nos ta organisa e seminario aki na Sint Maarten, ta subraya e importancia di un dialogo regional inclusivo. Hustamente awo nos mester pensa riba con e escogencianan di awe lo contribui na un futuro resiliente pa e siguiente generacionnan.”
Tres perspectiva, un reto comun
Durante e sesion principal, tres experto international lo comparti nan vision riba e tema, cada un desde nan propio punto di bista:
- Onno Steenbeek lo amplia riba e rol di sistema di pensioen como motor pa stabilidad social y e relacion compleho entre e fondonan di pensioen y gobiernonan.
- Daniel van Vuuren lo splica e impacto di enbehecimiento y migracion y lo compara e modelonan di pensioen den Caribe Hulandes y Hulanda, cu un bista riba 2050.
- Parveen Boertje lo enfoca riba conocemento financiero, diferencia di generacion y e rol di e seguridad social den un sistema di pensioen mas inclusivo y prepara pa futuro.
E perspectivanan aki ta duna hunto un imagen completo di e desaroyo di e sistemanan di pensioen di seguridad pa resiliencia.
Di perspectiva pa accion
Despues di e presentacionnan den e sesion principal, e participantenan lo profundisa hunto interactivamente den grupo mas chikito pa traduci teoria pa practica.
E temanan cu lo bin dilanti ta entre otro:
- E rol di responsabilidad individual y e tercer pilar di pensioen.
- E balansa entre individualisacion y e sistemanan colectivo.
- E impacto di e riesgonan financiero riba hogar y comunidad.
E seminario lo cera cu un sesion plenario den cual e participantenan lo reflecciona riba e perspectivanan di e dia y hunto ta wak dilanti: cua ta e pasonan cu nos lo tuma mañan.
Tocante CaPAs
Caribbean Pension Funds Association (CaPAs) ta respresenta e fondonan di pensioen na Aruba, Boneiro, Corsou, Sint Maarten, Sint Eustatius y Saba. E organisacion ta esforsa su mes pa colaboracion, desaroyo di conocemento y concientisacion riba e tema di pensioen den Caribe Hulandes.
Cu su seminarionan anual CaPAs ta trece conocemento y experiencia di e region y pafo di esaki hunto y ta stimula dialogo, cooperacion y mas desaroyo di e sector.
Informacion practico
Fecha: 21 di mei 2026
Luga: Sonesta Maho Beach Resort, Sint Maarten
Orario: 13:00 or – 17:30
E seminario ta habri pa e profesionalnan y interesadonan di e region.
Pa mas informacion y registracion: